Maa Jeevana Sardakyam

మా జీవన సార్ధక్యం మాతృదేశ నిర్మాణం తనువు మనసు ధనము శక్తి తల్లికే సమర్పణం || మా జీవన || దేశభక్త దేశరత్న దేశోద్ధారక బిరుదులు ఆశించం లేశమైన అలసులమై నిదురించం మాతృదేశ ప్రాభవమే మనసారగ కోరుతాం కర్మమయము జీవనమై క్షణక్షణం గడుపుతాం || మా జీవన || జాతిని నీరసపరిచే దుర్నీతిని తొలగిస్తాం మతముల మాటున దాగిన దుర్మార్గం వెలివేస్తాం పెడదారిని పడిపోయే బంధుల దారికి తెస్తాం మమత పంచి సమత పెంచి సమాజాన్ని సేవిస్తాం || మా జీవన || ధర్మరహిత రాజ్యశక్తి దౌష్ట్యాలను అరికడతాం స్వార్ధకీటకాల పీడ శాశ్వతంగ వదిలిస్తాం దారిద్ర్యం అజ్ఞానం దమన కాండలకు నలిగీ జీర్ణమైన దేశానికి పూర్ణ జీవనము నిస్తాం || మా జీవన || విధర్మాల వేరు పురుగు విజాతీయ విష వలయం కుహనా మేధావులోసగు కూట నీతి గరళం అణగిపోవ వర్షిస్తాం అనురాగపుజల్లు దాహశాంతి కందిస్తాం ధర్మజ్ఞాన జలాలు || మా జీవన ||