Sanghatanam Oka Yagyam

సంఘటనం ఒక యజ్ఞం సమిధగ మన జీవనం భరతమాత పాదాలకు మువ్వలం ఆమె మోము పైన చిరు నవ్వులం || సంఘటనం || గలగల పారే ఆ జలపాతం నిలిచిందా తనకోసం ఏనాడైనా మిల మిల మెరిసే ఒక అగ్ని కణం మిగిలిందా తనకోసం ఏ క్షణమైనా తరతరాల భారతీయ తాపసులది ఈ మార్గం ఆత్మలో నివేదనం అమ్మకు నీరాజనం || సంఘటనం || భూమి పొరలలో పురుడును పోసే రైతు రాసాడా తన పేరును ఏనాడైనా ఆజన్మాంతం సేవలు చేసే తల్లి అడిగిందా ఆనవాలు ఏనాడైనా ఆనామికత సందేశం హైందవ జీవన సారం జనని జన్మ కారణం జన్మభూమిదీ ఋణం || సంఘటనం || మమతల సిరులై తన్మయ ఝరులై మనం సాగాలి సమరమ్మున సాగిన శరమై కోవెల గంటై కోటి ఆశల పంటై మనం మ్రోగాలి జనపదాల గుండెల స్వరమై కర్మఫలం ఆశించని ధర్మ వీరులం మనం జయ జయహే మాతరం జయం జయం భారతం || సంఘటనం ||