Abhinava Haindava Sodara

అభినవ హైందవ సోదరా కనులు తెరచి ఒకసారి చూడరా || అభినవ || విశ్వగురువుగా విలసిల్లినది విశాల భారతమొకనాడూ భావదాస్యమున మ్రగ్గుచున్నది ఇండియా పేర ఈనాడూ ముక్కలు చెక్కలుగా చీలినది విశాలభారత మీనాడూ ఎవరికివారై విడిపోయిన మన అన్నదమ్ములను చూడు || అభినవ || లోకమంతటికి జ్ఞాన భిక్షను ప్రసాదించినది ఆనాడూ తన బిడ్డలలో జ్ఞానలేమిగని విలపించుతోంది ఈనాడూ స్వాభిమానమూ సమైక్య భావము లోపించినవీ ఈనాడూ నిస్తబ్దత నిర్వీర్యత నిరాశ నెలకోన్నవిలే ఈనాడూ || అభినవ || వ్యక్తీ స్వార్థము పదవీమోహము సమాజమున చెలరేగినవి న్యాయం ధర్మం సత్యాహింసలు స్వరూపమును కోల్పోయినవి ధర్మప్రబోధం కంటకమాయే విష బీజాలే పాతుకుపోయే పవిత్రజాతికి పతనము మొదలిడి పరాకాష్టకై పరుగిడుచుండే || అభినవ || విఘటన కెరయై చీలిన జాతిని సంఘటనమ్మున కలుపవలె పతనము చెందిన హైందవ జాతి పరమ వైభవము పొందవలె అఖండ భారత అజేయ శక్తిని ప్రపంచానికే చూపవలె ఆ పవిత్ర ధ్యేయము సాధించుటకై సర్వస్వార్పణ సలుపవలె || అభినవ ||