Ananda Tandavam - ఆనంద తాండవం - శివుని తాండవం

ఆనంద తాండవం - శివుని తాండవం సృష్టి స్థితి లయ కారక - రుద్ర తాండవం 1.ఢమరుకమే మ్రోగించిన పరమ శివుడవు నాద శబ్దమే చేసిన నట రాజువు సృష్టి కర్త నీవే - మహాదేవుడ నీవే అభయ ముద్ర దాల్చిన ఆత్మ బంధువు నీవే 2. అణువు పరమాణువుల- కదలికలు నీవే అంతరంగమందునా - పరమాత్మవు నీవే అణు క్షణం నిరంతరం - చలన శక్తి నీవే అజ్ఞానము అణిచి వేసే ఆది యోగి నీవే!!! 3. జీవుల నిర్జీవుల పరిమార్చేది నీవే కుండలినీ శక్తుల - చైతన్యం నీవే హృదయాకాశం లోన జ్యోతివి నీవే జ్ఞానాన్ని అందించే ముక్కంటివి నీవే 4. జటా జూట ధారి గంగాధరా ప్రళయ కాల రుద్రా ప్రాణేశ్వరా జగత్తు నే సృష్టించి,తిరిగి అంత మొందించే శివుడవు భవుడవు భోళా నాథుడ నీవే!!