Bharatambika Punarvaibhava

భారతాంబిక పునర్వైభవ ప్రాప్తికొరకే అంకితం కోట్లకొలదిగ హైందవేయులు సమర్పించే వందనం || కవుల కలముల జాలువారే కవిత్వామృత ధారలన్ని గాయకుల గొంతులను పలికే మధురమౌ నిస్వనములన్ని భావుకుల గుండెల్లో ఉరికే పరుగులిడు భావమ్ములన్ని || భారతాంబిక || హలం పట్టీ పొలం దున్నే కర్షకుల కరములను సత్తువ శక్తినంతా చమట చేసే శ్రామికుల నరములను బిగువు కత్తి పట్టీ కదను త్రొక్కే వీర సైనిక ధీర హృదయం || భారతాంబిక || నవత కోరే యువత గుండెల ఉరకలెత్తే నవోత్సాహం భావి భారత భాగ్య నేతలు బాలకుల చిరు నగవు సిరులు సకల శాస్త్ర విజ్ఞాన వేత్తల పాండితీ ప్రకర్షలన్నీ || భారతాంబిక || అన్ని కళలూ అన్ని విద్యలు వృత్తులూ ప్రవృత్తులన్నీ ప్రాంత భాషా కులమతమ్ముల భేదముల ఛేదించుకుంటూ దేశశ్రేయమే ధ్యేయమై నిజ దేశ రక్షణ దీక్ష గైకొని || భారతాంబిక ||