Bratuku SukhamayyEnura

బ్రతుకు సుఖమయ్యేనురా ఈ భూమి బిడ్డలం హిందువులమందరం కష్ట సుఖములలోన కలసి మెలసుంటుంటే బ్రతుకు సుఖమయ్యేనురా బంగారు కలలన్ని పండేనురా ||బ్రతుకు సుఖమయ్యేనురా|| ఉన్నోడు లేనోడు అన్న తేడా లేక అమ్మ ఒడి లో బిడ్డలాటాడుకొన్నట్లు ఒక తీగ పువ్వులై ఒక పాట మాటలై కష్ట సుఖములలోన కలసిమెలసుంటుంటే ||బ్రతుకు సుఖమయ్యేనురా|| కులము ఏదైనాను కోరేది మోక్షమే కులముకై మనకేల కాకి మూకల గోల బ్రతికున్న మూణ్ణాళ్ళు పదిమంది బంధువై కష్ట సుఖములలోన కలసిమెలసుంటుంటే ||బ్రతుకు సుఖమయ్యేనురా|| శృతిలేని పాటలా మతిలేని మాటలా ఎంత గొంతెత్తితే ఏమి లాభమ్మురా నీటి చుక్కల్లాగ కాటి పువ్వుల్లాగ నశియించి పోకుండ నలుగురితొ కలిసుంటే ||బ్రతుకు సుఖమయ్యేనురా||