Desa Gauravam Inumadimpaga

దేశ గౌరవం ఇనుమడింపగా - సగర్వమ్ముతో పయనిద్దాం సమర్థులై మన శక్తి యంతటిని - ప్రపంచమంతా ప్రకటిద్దాం!! 1.వివిధ రూపముల విలసితమైన - జీవసృష్టి పరమాద్భుతము దోషము లెంచక గుణవిశేషతలు - గుర్తించుటయే సమ్మతము ఆత్మరూపమును ఆరాధించి - వికాసపథమున విహరిద్దాం !! సమర్థులై మన !! 2. ఒకరినొకరము తోడుగ నిలిచి - ఒంటరితనమును వదిలేద్దాం జంతుజీవనం వినాశ కరము - మానవత్వమే మహోన్నతం కష్ట సుఖమ్ముల వెలుగు నీడలో - చిరునవ్వులనే విరబూద్దాం !! సమర్థులై!! 3. కల్మశాలు దరి జేరనీయక - సుందర రూపం చూపిద్దాం దాగివున్న మన ప్రతిభా పాటవ - శక్తి యుక్తులను వెలిగిద్దాం చెమటోడ్చే మన జీవన సరళితో - సుఖ వైభవములు సాధిద్దాం !! సమర్థులై!! 4. అపురూపం ఈ మానవ జన్మ - సంఘసేవలో అర్పిద్దాం పావన మంగళ భావనతో - నిర్మల గంగను దర్శిద్దాం అమృత ధారలు పొంగిపొరలగా - భారతమాతను పూజిద్దాం !! సమర్థులై!!