Kadaliraa Kadaliraa Nava Bharata

కదలిరా కదలిరా నవ భారత యువశక్తి కదలిరా కదలిరా కణకణము స్పందించే కోరికతో కదలిరా అణువణువు అర్పించే హృదయంతో నీ శక్తి అపూర్వం కొండలనే పిండి చేయు నీ శక్తి అనంతం పుడమికి సౌందర్యమీవు వీచిన పురుషార్థమీవు మనువుకి సంతానమీవు మానవొత్తముడనీవు || కదలిరా || ఉరకలెత్తు యువరక్తం నీది శరావతి జలపాతపుటావేశం నీది కాలగతిని హరియించిన సతి సుమతి నీ తల్లి కార్తవీర్యు మదమణచిన పరశురాము అంశ నీవు || కదలిరా || నీ శక్తికి పరీక్ష ఈనాడు నీ హృదిలో ప్రళయమ్మే దాగి వుంది చూడు శత్రువు గుండెల్లొ నీవు సింహ స్వప్నమవ్వాలి సాగవు మీ ఆటలని సవాల్ చేసి చాటాలి || కదలిరా || భరతమాత పిలుస్తోంది కన్నీరే కడలి కాగ గద్గదమౌ కంఠంతో హృదయము కరుగుట లేదా గుండెలు మండుట లేదా అణువణువు అమ్మ కొరకు ఆక్రోశించుట లేదా || కదలిరా ||