Naraayanaachyutaananda

ప|| నారాయాణాచ్యుతానంత గోవింద హరి | సారముగ నీకునే శరణంటిని || చ|| చలువయును వేడియును నటల సంసారంబు | తొలకు సుఖమొకవేళ దుఃఖమొకవేళ | ఫలములివె యీరెండు పాపములు పుణ్యములు | పులుపు దీపును గలిపి భుజియించినట్లు || చ|| పగలు రాత్రులరీతి బహుజన్మ మరణాలు | తగుమేను పొడచూపు తనుదానె తొలగు | నగియించు నొకవేళ నలగించు నొకవేళ | వొగరు కారపు విడెము ఉబ్బించినట్లు || చ|| ఇహము పరమును వలెనే యెదిటికల్లయు నిజము | విహరించు భ్రాంతియును విభ్రాంతియును మతిని | సహజ శ్రీవేంకటేశ్వర నన్ను కరుణింప | బహువిధంబుల నన్ను పాలించవే ||