Pongiporalenu Sanga Ganga

పొంగి పొరలెను సంఘగంగా పుడమి భారతి కణకణమ్మును పరమపావన మొనర్చంగా పొంగి పొరలెను సంఘగంగా ఉద్గమించెను పూజ్య కేశవ హృదయ కుహరములందు గంగా ఉరకలెత్తెను భరత జాతిని పరమవైభవ మొనర్చంగా కోట్ల హైందవ మానసమ్ములు మోక్షదాతగ తలచి కొలువగ ||పొంగి పొరలెను సంఘగంగా|| మాధవుడె జహ్నువుగ నిలిచి మార్గమును సుగమమ్ము చేసెను బాధలెన్నో దాటి జాహ్నవి భారతిని నలు దిశల ప్రాకెను బీడు వారిన హృదయ సీమల హైందవపు నవ ఝరుల నింపెను ||పొంగి పొరలెను సంఘగంగా|| మధుకరుడె రథసారథాయెను మాటలే మంత్రమ్ములాయెను జాతి జీవన క్షేత్రముల నవ జవము జీవము నింపి సాగెను వెలసె శతశత తీర్థ స్థలములు వెలిగె భారతమాత కన్నులు ||పొంగి పొరలెను సంఘగంగా|| సాగరమె గమ్యమ్ము కాగా సాధనా పథమందు సాగెను సర్వవ్యాపి సర్వస్పర్శి సంఘటనె లక్షముగ నురికెను రాష్ట్ర పురుషుని కరములందున అమృత భాండము సంఘగంగా ||పొంగి పొరలెను సంఘగంగా||