Pramidaloni Kalikala

ప్రమిదలోని కళికలా జాతి కొరకు జ్వలిస్తా నా జాతి కొరకు జీవిస్తా తరతరాల తపస్సూ నరనరాన నర్తించగ గత వైభవ స్మృతులలో అనుక్షణం స్పందిస్తా నా సభ్యత నా సంస్కృతీ ముందు తరంకందిస్తా ముందు తరంకందిస్తా ||ప్రమిదలోని కళికలా|| గర్జించే నాదు గళం జాతి హృదయ స్పందనం వికసించే నాదు కలం విమల భావ సందీప్తం నే కార్చే స్వేద కణం నవ జీవన సోపానం నవ జీవన సోపానం ||ప్రమిదలోని కళికలా|| సంఘర్షణ కాదు రక్తి సంఘటనం నాదు శక్తి మంచికి నా మనసు సుమం చెడును చీల్చు వజ్ర శ్రమం ఆశయాలకాలయం అగును నాదు హృదయం అగును నాదు హృదయం ||ప్రమిదలోని కళికలా||