Prasasta Hyndava

ప్రశస్త హైందవ ప్రజానీకమును ప్రేమ సూత్రమున కలపండోయ్ సమస్త మానవ కల్యాణానికి చక్కని బాటను వేయండోయ్ భారతి కీర్తిని నిలపండోయ్ - మన భారతి కీర్తిని నిలపండోయ్ పరధర్మమ్ములు పరతంత్రంబులు స్వతంత్ర భారత ధరిత్రి తగవని తరతరాల మన చరిత్ర చాటిన పరమ సత్యమును గుర్తించండోయ్ పర కుతంత్రములు చీల్చండోయ్ భారతి కీర్తిని నిలపండోయ్ - మన భారతి కీర్తిని నిలపండోయ్ దివ్య తత్వమూ భవ్య జీవనము విలసిల్లిన మన విమల భారతిని ధర్మరక్తినీ దేశభక్తినీ కార్యశక్తిగా మలచండోయ్ కర్మ వీరులై నిలవండోయ్ భారతి కీర్తిని నిలపండోయ్ - మన భారతి కీర్తిని నిలపండోయ్ విఘటనకెరయై వెతలకు గురియై కుమిలే జాతిని కాపాడండోయ్ అభినవ భారత నిర్మాణానికి అహరహమూ శ్రమియించండోయ్ ఆదర్శమ్ముగ జీవించండోయ్ భారతి కీర్తిని నిలపండోయ్ - మన భారతి కీర్తిని నిలపండోయ్ ||ప్రశస్త హైందవ||