Prayatname Swayatnamai

ప్రయత్నమే స్వయత్నమై దైవమంచు సాధకా ఇదే ధ్యాస పదే పదే మనసునందు నిలుపరా !! 1.ధ్యేయ మార్గమందునా - ధృవుని వోలే నుండుమా సాధనా పథమ్ములో- సతతమ్ము నిలువుమా ఆగకుండ ఆగకుండ - నడువు ముందు ముందుకు ధ్యేయ దీప కాంతిలో - సాగి పొమ్ము ముందుకు !! ప్రయత్నమే!! 2. తోడు రాకపోయినా - నీడ లేకపోయినా దారి చుట్టు చీకటి - దట్టముగా నిండినా గట్టి గుండె బలముతో - పట్టు వదలి పెట్టకు ధ్యేయ దీప కాంతిలో - సాగి పొమ్ము ముందుకు !! ప్రయత్నమే!! 3.మోహపాశములను త్రెంపి - స్వార్థమును జయింపుమా ధ్యేయమందు ఐక్యమంది - ధీరుడవై సాగుమా వెనుకకు అడుగేయకుండ - నడువు ముందు ముందుకు ధ్యేయ దీప కాంతిలో - సాగి పొమ్ము ముందుకు !! ప్రయత్నమే!! 4. పర్వతాలు సాగరాలు - పెను తుఫానులడ్డినా ప్రళయ ఝంఝలెన్ని లేచి - పైకి పైకి వచ్చినా ఎదురు తిరిగి పైకి దూకి - కదలి పొమ్ము ముందుకు ధ్యేయ దీప కాంతిలో - సాగి పొమ్ము ముందుకు !! ప్రయత్నమే!