Sangha jeevana bhava madhurimala

సంఘ జీవన భావ మధురిమల ననుభవించితిమి ఇచట మనం ఈ ఆనందమె హిందువలందరి కందించాలి ఇకను మనం || సంఘ || ఎన్ని సమస్యలో ఎన్ని బాధలో అన్ని దాటి ఇట కరుదెంచితిమి కష్టసుఖాలను కలిసి పంచుకొని కార్యకర్తలై మరలుదము || సంఘ || అన్నాదమ్ముల అనుబంధం ఎన్నడు వీడని సంబంధం కలిగించినదీ సంఘ జీవనం కావాలది మన హృదయ ధనం || సంఘ || నా ధన బలములు నా కొరకేయను ఒంటరితనము తుంటరి గుణము మంచుగడ్డలా మబ్బుతునకలా కరిగి తొలగినవి క్రాంతి కలిగేనిట || సంఘ || ఇది నవ హైందవ తపోవనం స్వార్ధము ప్రేల్చితిమిట హవనం సంఘటనామృత జీవన సరళిని సాధించుట మన సాఫల్యం || సంఘ || నిత్య ప్రార్ధనా నియమపాలన నీతీ రీతీ నిలుపుకొని భారతి పదముల తను మన ధనముల నర్పించుటకై తరలుదమూ || సంఘ ||