Shaktini Chupinchu

పల్లవి: శక్తిని చూపించు- సామర్థ్యం ప్రకటించు దేశ గౌరవం పెంపొందించగ - ప్రపంచమంతా పయనించు!! 1. వివిధ రూపముల విలసితమైన - జీవసృష్టియే అద్భుతము ఆత్మను అంతట దర్శించి వికాస పథమున విహరించు దోషము లెంచకురా - సద్గుణ సంపదలెంచుమురా - దేశ గౌరవం పెంపొందించగ - ప్రపంచమంతా పయనించు!! 2. జంతుజీవనం వినాశ కరము - మానవత్వమే మహోన్నతం కష్ట సుఖాల వెలుగు నీడలో చిరునవ్వులనే విరజిమ్ము ఒంటరితనమొద్దు- మరొకరి తోడును వదలొద్దు దేశ గౌరవం పెంపొందించగ - ప్రపంచమంతా పయనించు!! 3. దాగివున్న నీ ప్రతిభా పాటవ శక్తియుక్తులను వెలిగించు చెమటోడ్చే నీ జీవన శైలితో సుఖ వైభవాలు సాధించు కల్మశాలు వదలి సుందర హృదయం చూపించు దేశ గౌరవం పెంపొందించగ - ప్రపంచమంతా పయనించు!! 4. నిర్మల గంగలో మునకలు వేసి,పావన మంగళ భావన పొంది అమృత ధారలు పొంగి పొరలగ, భారతమాతను సేవించు, అరుదైన జన్మ నీది- త్యాగం తపస్సాచరించు దేశ గౌరవం పెంపొందించగ - ప్రపంచమంతా పయనించు!!