Taratarala Charitra

తరతరాల చరిత్ర పిలుపిది మరువబోకుము సోదరా నరనరాన స్వదేశ భక్తియే పరుగులెత్తగనిమ్మురా రామరాజ్యము ధర్మరాజ్యము సకల జన సుఖ శాంతి మూలము దివ్య జీవన మొసగు రాజ్యము దేశ ప్రజలకు తెల్పునేమన రాక్షసత్వము రుపుమాపుట లక్ష్యముగు గ్రహియింపదగునని || తరతరాల || శరధి గట్టిన మానవేంద్రుడు స్వర్ణలంకను గొన్న వీరుడు దాశరథి శ్రీరామచంద్రుని చరిత తెలిపెడి సారమేమన జన్మభూమికి స్వర్గమైనను సాటిరాదని చాటినాడని || తరతరాల || సింధు నది తీరాన యవనులు హిందు వీరుల ఖడ్గ ధాటికి కదనభూమిని వదలిపారిన కథలు తెలిపెడి సారమేమన క్షాత్రవీర్యము బ్రహ్మతేజము కలసియుండిన కలదు జయమని || తరతరాల || అడవులే ఆశ్రయములైనను ఆకులలములే అన్నమైనను మొఘలు పాదుష గుండెలదరగా జీవితాంతము పోరుసల్పిన వీర రాణా తెల్పునేమని జాతి శ్రేయమే ధ్యేయమౌనని || తరతరాల || ఆలయమ్ములు ఆలమందలు ఆడబిడ్డల కొరకు పోరిన ఆర్త హిందు స్ఫూర్తి కేంద్రము ఛత్రపతి బోధించునేమని హైందవము ఈ దేశ జీవము అంత్య విజయము మనదెయౌనని || తరతరాల ||