Yedira Nee Gandivam

ఏదిరా నీ గాండీవం ఏది ఠ౦కారం ఏది నీ రణ తూర్యనాదం ఏది హూంకారం ఏది హూంకారం చంద్రగుప్తుని రూపు దిద్దిన చాణుక్యుని చతురతేది జగద్గురుతకు రంగులద్దిన శంకరుని ఆ ప్రతిభ ఏది ఏది నీ ధీ పటిమ ప్రజ్ఞా జ్ఞాన సౌరభము || 2 || || ఏదిరా || గ్రీకు హూణుల పీక నులిమిన భీకరమ్మౌ శౌర్యమేది శక కుషాణుల పీచ మణచిన శ్రీకరమ్మౌ ధైర్యమేది ఏదిరా నీ వీర విక్రమ ఘన పరాక్రమము || 2 || || ఏదిరా || బానిసలమై బ్రతుకులీడ్చిన ఫలితమే ఈ నాటి దుస్థితి నివురు మరుగున దాగినదిరా నిప్పులా మనలోని శక్తి నివురు తొలగనిదెట్లు కలుగును పరమ వైభవము || 2 || || ఏదిరా || ఎత్తరా నీ గాండీవం ఎలుగెత్తరా నీ దేవదత్తం ఢీకొనరా పాశుపతమై చీల్చరా రిపు దుష్ట వ్యూహం విశ్వ గగనము నెగురవేయగ విజయ కేతనము || 2 || || ఏదిరా ||